Beynəlxalq Türk Mədəniyyəti və İrsi Fondunun prezidenti Günay Əfəndiyeva İstanbul Universitetinin professoru İbrahim Yıldırım ilə görüşmüşdür. G.Əfəndiyeva türkdilli xalqların tarixi-mədəni irsinin mühafizəsi və təbliğ edilməsinin vacib əhəmiyyət kəsb etdiyini bildirmişdir. İ.Yıldırım Türk dünyasına aid zəngin irsin qorunması və araşdırılması sahəsində Fond ilə əməkdaşlıq niyyətini ifadə etmiş, Azərbaycan və Türkiyə arasında qardaşlıq əlaqələrin möhkəmləndirilməsinin vacibliyini qeyd etmişdir. Görüşdə XX əsrin əvvəllərində Türkiyədə yaşayan görkəmli şəxsiyyətlərin irsinin daha dərindən tədqiqi məqsədilə birgə tədbirlərin keçirilməsi müzakirə edilmişdir.