Beynəlxalq Türk Mədəniyyəti və İrsi Fondunda Fondun prezidenti Günay Əfəndiyeva Azərbaycan Milli Elmlər Akademiyasının bir qrup tədqiqatçı-alimi ilə görüş keçirmişdir. Görüşdə Böyük İpək Yolu proektində Fondun üzv dövlətlərinin malik olduğu sahələrə dair layihələr müzakirə edilmişdir. İlkin mərhələ olaraq “Azərbaycan Böyük İpək Yolu sistemində” layihəsinin həyata keçirilməsi nəzərdə tutulmuşdur. Görüşdə layihənin beynəlxalq ictimaiyyətə tanıdılmasının vacibliyi vurğulanmış, onun icrası, mərhələləri və nəticələrinə dair ətraflı fikir mübadiləsi aparılmışdır.