Türkiyə Respublikasının Prezidenti Rəcəb Tayyib Ərdoğanın himayəsi və Türkiyə Xarici İşlər Nazirliyinin təşkilatçılığı ilə “Diplomatiyanın yenidən qurulması” mövzusunda İkinci Antalya Diplomatiya Forumu öz işinə başlayıb. Forum ümumilikdə 75 ölkənin dövlət və hökumət başçılarının, xarici işlər nazirlərinin, parlament sədrləri və millət vəkillərinin, eləcə də bir çox beynəlxalq təşkilatların rəhbər və nümayəndələrinin iştirakı ilə təşkil olunub. Beynəlxalq Türk Mədəniyyəti və İrsi Fondunun prezidenti Günay Əfəndiyeva Forumda iştirak edir.