Beynəlxalq Türk Mədəniyyəti və İrsi Fondunun prezidenti Günay Əfəndiyeva Türkiyə Respublikasının yaranmasının 99-cu ildönümü münasibətilə Bakıda Heydər Əliyev Mərkəzində təşkil olunmuş rəsmi qəbulda iştirak edib.

Azərbaycan Respublikasının Milli Məclisinin sədri Sahibə Qafarova, Türkiyə Respublikasının Azərbaycan Respublikasındakı səfiri Cahit Bağçı, dövlət və hökumət üzvləri, millət vəkilləri, xarici ölkələrin Azərbaycandakı səfirləri, mədəniyyət və incəsənət xadimləri qəbulda iştirak ediblər.