“Düsen Kaseinov-70” kitabının təqdimat mərasimi keçirildi
Xəbərlər
“Düsen Kaseinov-70” kitabının təqdimat mərasimi keçirildi
14 aprel 2017
13:41
Aprelin 14-də Azərbaycanda Atatürk Mərkəzində TÜRKSOY-un Baş katibi Düsen Kaseinovun 70 illik yubileyi ilə bağlı çap edilmiş kitabın təqdimatı olmuşdur. Beynəlxalq Türk Mədəniyyəti və İrsi Fondunun Azərbaycanda Atatürk Mərkəzi ilə birgə hazırladığı “Düsen Kaseinov-70” adlı kitab “Elm və təhsil” nəşriyyatı tərəfindən çap edilmişdir. Kitabda Azərbaycanın tanınmış elm, mədəniyyət və ictimai xadimlərinin Düsen Kaseinovun 70 illik yubileyi münasibətilə təbrik yazıları toplanmışdır.
Nəşrdə mədəniyyət və turizm naziri Əbülfəs Qarayevin, xarici işlər naziri Elmar Məmmədyarovun, Beynəlxalq Türk Mədəniyyəti və İrsi Fondunun prezidenti Günay Əfəndiyevanın, Xalq yazıçıları Elçinin və Anarın, Xalq artistləri Firəngiz Əlizadənin, Fərhad Bədəlbəylinin, Ağaverdi Paşayevın, Rauf Abdullayevin və digər görkəmli insanların təbrik yazılarının toplandığı vurğulanmışdır.
Təqdimat mərasimindən sonra Azərbaycan, Qazaxıstan, Qırğızıstan, Özbəkistan və Türkmənistan dövlətlərinin müstəqilliklərinin bərpasının 25-ci ildönümü münasibətilə TÜRKSOY-un təsis etdiyi medallar təqdim olunmuşdur.
