Beynəlxalq Türk Mədəniyyəti və İrsi Fondunun prezidenti Günay Əfəndiyeva Ermənistan Silahlı Qüvvələrinin Moskva bəyənatından sonra Azərbaycanın yaşayış məntəqələrini hədəf alaraq atəşkəs rejimini pozması ilə bağlı keçirilən brifinqdə iştirak edib. Brifinqdə Ermənistanın sivil şəxsləri hədəf alaraq mülki obyektləri iriçaplı silahlardan atəşə tutması ilə bağlı məlumat verilib. Azərbaycanda akkreditə olunmuş xarici ölkələrin səfirləri, hərbi attaşelər və beynəlxalq təşkilatların rəhbər və nümayəndələri brifinqdə iştirak ediblər.