Beynəlxalq Türk Mədəniyyəti və İrsi Fondunun prezidenti Günay Əfəndiyeva və TURKPA-nın Baş Katibi Altınbek Mamayusupov Birinci Fəxri xiyabanı, Şəhidlər xiyabanını və Türk Şəhidliyini ziyarət ediblər. Türkdilli beynəlxalq təşkilatların rəhbərləri Azərbaycan və bütövlükdə Türk Dünyasına əvəzssiz xidmətlər göstərmiş Ümumilli lider Heydər Əliyevin və Vətənin azadlığı, müstəqilliyi uğrunda canlarını qurban vermiş qəhrəman şəhidlərin məzarlarını ziyarət edərək, Azərbaycanın şanlı Qələbəyə şahidlik etdiyi dönəmdə birgə həmrəylik nümayiş etdiriblər. Beynəlxalq təşkilatların rəhbərləri media nümayəndələrinə müsahibə verərək, Azərbaycan Respublikasının prezidenti cənab İlham Əliyevin rəhbərliyi ilə əzəli Azərbaycan torpaqlarının işğaldan azad olunması, tarixi Qələbə münasibətilə bütün Azərbaycan xalqını təbrik edib, öz haqlı mövqeyində daim Azərbaycanın yanında olduqlarını bildiriblər.