Cari ilin 8-12 noyabr tarixlərində Istanbulda Türkiyə Respublikasının Mədəniyyət və Turizm Nazirliyinin ev sahibliyi ilə “ Korkut Ata Türk Dünyası Film Festivalı” keçirilib. Festivalın açılış mərasimində, eləcə də qala gecəsində Beynəlxalq Türk Mədəniyyəti və İrsi Fondunun prezidenti Günay Əfəndiyeva iştirak edib. Festival, Beynəlxalq Kino Assosiasiyası, Türk Şurası, Beynəlxalq Türk Mədəniyyəti və İrsi Fondu, TÜRKSOY, eləcə də digər qurum və təşkilatlarla əməkdaşlıq çərçivəsində təşkil edilib. Festival türk xalqların mədəniyyətini bir-birinə daha da yaxınlaşdırmaq və onlar arasındakı əlaqələri genişləndirmək məqsədilə keçirilib. Türk Dünyasının birliyini əks etdirən tədbirlərə türk ölkələrin mədəniyyət nazirləri, mədəniyyət və incəsənət xadimləri, kinomotoqrafiya sahəsinin tanınmış simaları qatılıb.