Azərbaycanda akkreditə olunmuş diplomatik korpusun, o cümlədən xarici ölkələrin səfirləri və beynəlxalq təşkilatların nümayəndələri avqustun 27-də Füzuli və Şuşa şəhərlərinə səfər ediblər. Səfər çərçivəsində qonaqlar Əhmədbəyli-Füzuli-Şuşa yolunun üstündə tikintisi başa çatmaqda olan tunel və Füzuli Hava Limanına baxış keçirmiş, görülən quruculuq işləri ilə yaxından tanış olmuşlar.

Daha sonra Şuşada Qarabağdakı yenidənqurma və bərpa işlərinə həsr olunmuş konfrans keçirilib. Tədbirdə Beynəlxalq Türk Mədəniyyəti və İrsi Fondunun nümayəndəsi Fərid Hüseynov iştirak edib.