Bu gün müasir müstəqil Azərbaycan dövlətinin banisi, dünyamiqyaslı dövlət adamı və siyasi xadim Ümummilli Lider Heydər Əliyevin anım günüdür.
Ulu Öndər Heydər Əliyev nəhəng fəaliyyəti ilə Azərbaycanın davamlı inkişafının təməlini qoymuş, ömrünü Vətəninə və xalqına həsr etmiş dahi lider kimi adını tarixə qızıl hərflərlə yazdırmışdır. Heydər Əliyev Türk xalqlarının mədəni irsinin, ortaq dəyərlərinin yaşadılması, həmrəylik və qardaşlıq münasibətlərinin möhkəmləndirilməsi yönündə Türk Dünyası qarşısında layiqli xidmətlər göstərmişdir.
Türk Mədəniyyəti və İrsi Fondu Azərbaycanın və bütövlükdə Türk Dünyasının böyük oğlu Heydər Əliyevin əziz xatirəsini dərin hörmətlə yad edir