6 noyabr 2024-cü il tarixində Bişkekdə Qırğız Respublikasının Prezidenti Zati-aliləri cənab Sadır Japarovun sədrliyi ilə Türk Dövlətləri Təşkilatı Dövlət Başçılarının 11-ci Zirvə görüşü keçirilib.
Zirvə görüşündə Azərbaycan Respublikasının Prezidenti Zati-aliləri cənab İlham Əliyev, Qazaxıstan Respublikasının Prezidenti Zati-aliləri cənab Kasım-Jomart Tokayev, Özbəkistan Respublikasının Prezidenti Zati-aliləri cənab Şavkat Mirziyoyev, Türkiyə Respublikasının Prezidenti Zati-aliləri cənab Rəcəb Tayyib Ərdoğan və Macarıstanın Baş naziri cənab Viktor Orban iştirak ediblər.
Zirvə görüşündə Türk əməkdaşlıq təşkilatlarının, o cümlədən Türk Mədəniyyəti və İrsi Fondunun, Türk Akademiyasının, TÜRKSOY-un, TÜRKPA-nın, Türk investisiya fondunun, TDT Ağsaqqallar Şurasının baş katibləri və rəhbərləri iştirak ediblər.